Herriz herriko mapa honetan, Ipar Euskal Herriko lehen bozaldiko behin-behineko emaitzak begiratu ahal dira. Lehen begiratuan, herriak hiru koloretan sailkatuak ikusten dira: auzapezak errepikatzen duenean herria urdinez, auzapeza berria denean gorriz, eta auzapeza nor izango den erabaki gabe dagoenean grisez.
Konputagailuaren nabigatzailean, sagua herri baten gainean jartzean datu orokorrak bistaratzen dira (herriaren izena, herrialdea, parte hartzea eta boto gehien bildu duen zerrendaren izena). Klik eginez gero, hautagaitza guztiek (1.000 biztanle baino gehiagoko herrietan) edo hautagai guztiek (1.000 biztanle baino gutxiagoko herrietan) lortutako emaitzak ikusten dira. Sakeleko nabigatzailean, herri batean gainean tap eginez datu orokorrak ikusten dira, eta emaitza guztiak ikusteko bigarrenez tap egin behar da.