Frantziako Estatu Kontseiluak deliberatu berri du Nicolas Bonnemaison Medikuen Elkargotik behin betiko kanporatzea. Ez du onartu beraz Baionako medikuaren abokatuak ezarri errekurtsoa, eta Medikuen Elkargoaren deliberoa berretsi du.
Bonnemaison, epaitegira heltzen. Artxiboko irudia. / Bob Edme
2010 urte inguruan Baionako erietxean zendu ziren zazpi eri hiltzen laguntzeagatik dute Bonnemaison medikuen ordenetik kanporatu. Joan den ekainaren 25ean libre atera zen auzitegitik, baina medikuntzan aritzeko debekuarekin. Errekurtsoa ezarri zion erabaki horri, baina egun Estatu Kontseiluak hartu deliberoarekin, elkargotik kanpo gelditu da behin betiko. Ikus auzi hontaz beste aipamenak HITZAn.