Ortzaizen izan ziren azken atxiloketetan poliziaren oldarraldia salatua izan zen. Zaurituak eragin zituzten, horien artean kazetari bat bazelarik. Euskal Irratietako Jojo Bidarten aldeko sostengua adierazi dute 175 kazetarik: 175 kazetarien zerrenda.
Euskal Irratiak
“Momentu hori bortitza eta lanjerosa izan” dela azpimarratu zuen Bidartek Euskal Irratietan egin adierazpenetan. Hedabide desberdinetako 175 kazetarik sostengua adierazi diote zauritua izan zen kazetariari. Izenpetu duten adierazpenean zera zion Jojo Bidartek: “Poliziak ukan duen jokamoldea eta eragin bortizkeria arrunt desegokiak iduritzen zaizkit eta bortizki salatzen ditut, are gehiago kazetarien lana oztopatzen duelarik”.