Larunbatean Erreala futbol talde gipuzkoarra Okzitaniako Tolosako taldearen kontra ariko da Donibane Lohitzunen, 18:00etan.
Bob Edme
Ohitura bilakatu da Seaskak antolatzen duen futbol partidua. Lagunartekoa izanagatik, bi taldeek serioski prestatzen dutela ziurtatu dute, biek laster hasiko dutelako sasoi berria. Partidaren aurkezpenean, Paxkal Indo Seaskako lehendakariak azpimarratu eta txalotu zuen “euskaldunak eta okzitaniarrak dohainik euskararen alde” ariko direla. Irabaziak oro Bernat Etxepare lizeoarentzat izanen dira. Sartzeak Donibane Lohitzuneko turismo bulegoan salgai dira 12 eta 20 eurotan.